စက်မှုစိုက်ပျိုးရေးနှင့်မွေးမြူရေး အထက်တန်းကျောင်း (ချင်းမြောင်) သို့ ပညာသင်လူရည်ချွန်ဆုပေးအပ်ခြင်း

(၂၀၂၄/၂၀၂၅) ပညာသင်နှစ် တက္ကသိုလ်ဝင်တန်းစာမေးပွဲတွင် ထူးချွန်စွာအောင်မြင်ခဲ့ကြ သည့် ကျောင်းသူ/သားများ ၊ လူရည်ချွန်များနှင့် သင်ကြားရေးထူးချွန် ဆရာ/မများအား ဂုဏ်ပြုပွဲအခမ်းအနားကို (၁၁.၉.၂၀၂၅) ရက်နေ့တွင် ဧရာဝတီတိုင်းဒေသကြီး၊ ကြံခင်းမြို့နယ်၊ ဘိလပ်မြေစက်ရုံနယ်မြေ၊ စက်မှုစိုက်ပျိုးရေးနှင့်မွေးမြူရေး အထက်တန်းကျောင်း (ချင်းမြောင်) ၌ ပြုလုပ်ကျင်းပခဲ့ပါသည်။
အဆိုပါအခမ်းအနားသို့ မြန်အောင်ခရိုင် ပညာရေးမှူး ဦးမြင့်အောင်၊ ကြံခင်းမြို့နယ် အုပ်ချုပ်ရေးနှင့် စီမံခန့်ခွဲရေးကော်မတီ ဥက္ကဋ္ဌ ဦးဝင်းလှိုင်နှင့်ကော်မတီဝင်များ၊ ဌာနဆိုင်ရာ အကြီးအကဲများ၊ ဆရာ/မများနှင့် ကျောင်းသူ/သားများတက်ရောက်ကြပြီး မြန်အောင်ခရိုင် ပညာရေးမှူး၊ ကြံခင်းမြို့နယ် စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌနှင့် မြန်မာ လူငယ်ဖွံ့ဖြိုးတိုးတက်ရေးအသင်း(MYDA)၏ ဧရာဝတီတိုင်းဒေသကြီး တာဝန်ခံ ဦးအောင်ဆန်းဝင်းတို့ကဂုဏ်ပြုစကားများ ပြောကြားခဲ့ကြကာ ဂုဏ်ပြုဆုများ အသီးသီး ချီးမြှင့်ခဲ့ရာ မြန်မာလူငယ်ဖွံ့ဖြိုးတိုးတက်ရေးအသင်း(MYDA)မှလည်း လေးဘာသာ ဂုဏ်ထူးရှင် လူရည်ချွန်နှစ်ထပ်ကွမ်းဖြစ်သူ မမြတ်ထူးထူးနိုင်အား ပညာသင်ထောက်ပံ့ဆု အဖြစ် နှစ်သိန်းကျပ် ချီးမြှင့်ခဲ့ပါသည်။