လှူဒါန်းမှုများ
နေပြည်တော်၊ ရန်အောင်မြင် အ.ထ.က(ခွဲ) တွင် စာမေးပွဲပြန်လည်ဖြေဆိုမည့် ကျောင်းသား/သူများအား သွားရောက်လှူဒါန်းခြင်း
(၂-၆-၂၀၂၅) ရက်နေ့တွင် မြန်မာလူငယ်ဖွံ့ဖြိုးတိုးတက်ရေးအသင်း (MYDA) အသင်းဥက္ကဋ္ဌ ဦးဇော်မျိုးအောင်သည် ဘဏ္ဍာရေးမှူး ဒေါ်ကြည်စင်ရွှေ၊ အဖွဲ့ဝင်များနှင့်အတူ နေပြည်တော် ဒက္ခိဏသီရိမြို့နယ် ရန်အောင်မြင် အ.ထ.က(ခွဲ)တွင် တက္ကသိုလ်ဝင်တန်း စာမေးပွဲပြန်လည် ဖြေဆိုရန် စခန်းသွင်းလေ့ကျင့်နေသော ကျောင်းသား/သူ (၁၅၀) ဦးအတွက် စာရေးကိရိယာများ၊ Royal-D အချိုရည်ဘူးများနှင့်မုန့်များ၊ A-4 စာရွက်ထုပ်များအား ကိုယ်တိုင်သွားရောက်၍ ကူညီ ထောက်ပံ့လှူဒါန်းခဲ့ကြရာ ကျောင်းအုပ်ဆရာကြီး ဦးသီဟအောင်နှင့် ကျောင်းသူ/သားမှ လက်ခံ ရယူခဲ့ကြပါသည်။
အသင်းအဖွဲ့၏ ရည်ရွယ်ချက်
" မြန်မာနိုင်ငံတွင် နေထိုင်ကြသည့်လူငယ်များ၏ ဗလငါးတန် ဖွံ့ဖြိုးတိုးတက်ရေး အတွက် ကူညီဆောင်ရွက်ရန်၊ အာဆီယံနိုင်ငံများရှိ လူငယ်များ၊ ကမ္ဘာ့နိုင်ငံအသီးသီးမှ လူငယ်များနှင့် ပူးပေါင်းကာ ခေတ်မှီ နည်းပညာများနှင့် အတွေ့အကြုံကောင်းများ ရရှိစေပြီး မိမိနိုင်ငံ၏ အကျိုးစီးပွားနှင့် ဒေသတွင်း အကျိုးစီးပွားများအား ဆောင်ကျဉ်း ပေးနိုင်သည့် မြန်မာ့ဂုဏ်ဆောင်လူငယ်များ ပေါ်ထွက်လာစေရန်နှင့် နိုင်ငံအတွင်း သဘာဝဘေးအန္တရာယ်များ ကျရောက်လာပါက ပရဟိတစိတ်ဓာတ် ပြည့်ဝသော လူငယ်များစုပေါင်း၍ တစ်ဖက်တစ်လမ်းမှ ကူညီဆောင်ရွက်ပေးရန် "
