ရန်ကုန်၊ ဇွန် ၁၆

၂၀၂၆ ခုနှစ်၊ ဇူလှိုင်လ (၃/ ၄/ ၅) ရက်နေ့များတွင် မြန်မာလူငယ်ဖွံဖြိုးတိုးတက်ရေးအသင်း (MYDA)နှင့် ရန်ကုန်အဝေးသင်တက္ကသိုလ်တို့ ပူးပေါင်းကျင်းပမည့် “Job Ready Skills Workshop For Youth” အခမ်းအနားအတွက် အကြိုလုပ်ငန်းညှိနှိုင်းအစည်းအဝေးကို ရန်ကုန် အဝေးသင်တက္ကသိုလ်ရှိ အစည်းအဝေးခန်းမ၌ ကျင်းပပြုလုပ်ခဲ့ပါသည်။

အဆိုပါအခမ်းအနားသို့ ရန်ကုန်အဝေးသင်တက္ကသိုလ် ဒုတိယပါမောက္ခချုပ် ဒေါက်တာ သီတာဋ္ဌေးဝင်း၊ ဒုတိယပါမောက္ခချုပ် ဒေါက်တာထွေးထွေးနှင့် ဆရာ/မများ၊ မြန်မာလူငယ် ဖွံ့ဖြိုးတိုးတက်ရေးအသင်း (MYDA)မှ ဒုတိယဥက္ကဋ္ဌ (၃) ဦးခန့်မင်းသျှင်၊ ဗဟိုအလုပ်အမှု ဆောင် ဦးကျော်စွာမင်းသိန်း၊ ဦးကျော်ကျော်လတ်၊ တိုင်းဒေသကြီးအလုပ်အမှုဆောင် ဦးသူမြတ်ထွန်း၊ ဦးအောင်မင်းမြတ်နှင့် အလုပ်အမှုဆောင်များတက်ရောက်ခဲ့ကြပါသည်။

ဆွေးနွေးပွဲတွင် ဒုတိယပါမောက္ခချုပ် ဒေါက်တာသီတာဋ္ဌေးဝင်းမှ ပြောကြားရာတွင် “ယခုကျင်းပပြုလုပ်မည့် Workshopအား နောက်ဆုံးနှစ် တက္ကသိုလ်ကျောင်းသား/သူ (၁၅၀) ဦးဖြင့် ကျင်းပပြုလုပ်သွားမည်ဖြစ်ကြောင်း၊ အခမ်းအနားပြင်ဆင်ရေး၊ ဧည့်ခံကျွေးမွေးရေး၊ ဖိတ်ကြားရေးနှင့်ကြိုဆိုနေရာချထားရေးကော်မတီများ ဖွဲ့စည်းထားရှိပြီးဖြစ်ကြောင်း၊ (MYDA)မှလည်း Special List (၂) ဦး ဟောပြောဆွေးနွေးပေးစေလိုကြောင်း” ဆွေးနွေး ပြောကြားခဲ့ပြီး ဒုတိယပါမောက္ခချုပ် ဒေါက်တာထွေးထွေးမှလည်း အဆိုပါအခမ်းအနားတွင် ရန်ကုန်အဝေးသင်တက္ကသိုလ်မှလည်း Special List (၂) ဦးလည်း ဟောပြော ဆွေးနွေးမည် ဖြစ်ကြောင်းပြောကြားခဲ့ပါသည်။

အဆိုပါ Workshopတွင် လူငယ်များအတွက်လိုအပ်သော အလုပ်အကိုင်ဆိုင်ရာ ကျွမ်းကျင်မှု များ၊ အလုပ်ခွင်တွင်လိုအပ်သည့် အခြေခံကျွမ်းကျင်မှုများကိုလည်း လေ့ကျင့်သင်ကြား ပေးသွားမည်ဖြစ်ပြီး ပါဝင်တက်ရောက်လာသူများအတွက် အသိပညာနှင့် အတွေ့အကြုံ ကောင်းများရရှိစေရန်ဆွေးနွေးပွဲများနှင့် လက်တွေ့လေ့ကျင့်ခန်းများကိုလည်း ထည့်သွင်း ဆောင်ရွက်သွားပါမည်။
မြန်မာလူငယ်ဖွံ့ဖြိုးတိုးတက်ရေးအသင်း(MYDA)အနေဖြင့် လူငယ်များ၏အရည်အချင်း ဖွံ့ဖြိုး တိုးတက်ရေးနှင့် အလုပ်အကိုင်အခွင့်အလမ်းများမြှင့်တင်နိုင်ရေးအတွက် အလားတူ အစီ အစဥ်များကို ဆက်လက်အကောင်အထည်ဖော်ဆောင်ရွက်လျှက်ရှိပါသည်။

#မြန်မာလူငယ်ဖွံ့ဖြိုးတိုးတက်ရေးအသင်း