လူငယ်စကားဝိုင်းအခမ်းအနားသို့ မြန်မာလူငယ်ဖွံ့ဖြိုးတိုးတက်ရေးအသင်းမှ တက်ရောက်ခဲ့ခြင်း

အားကစားနှင့်လူငယ်ရေးရာဝန်ကြီးဌာနနှင့်နေပြည်တော်ကောင်စီတို့ပူးပေါင်းကျင်းပပြုလုပ်သည့် လူငယ်စကားဝိုင်းအခမ်းအနားကို (၂၂-၁၂-၂၀၂၅)ရက်နေ့တွင် ညနေ (၂:၀၀)နာရီမှ (၄:၀၀)နာရီအထိ Naypyitaw State Academy ကျောင်းရှိ Function Hall ၌ ကျင်းပပြုလုပ်ခဲ့ ရာ အဆိုပါအခမ်းအနားသို့ နေပြည်တော်ကောင်စီဥက္ကဋ္ဌ ဦးသန်းထွန်းဦး၊ အားကစားနှင့် လူငယ်ရေးရာဝန်ကြီးဌာန ဒုတိယဝန်ကြီး ဦးဇင်မင်းထက်နှင့် ညွှန်ကြားရေးမှူးများ၊ မြန်မာလူငယ်ဖွံ့ဖြိုးတိုးတက်ရေးအသင်း(MYDA)မှ ဦးရဲရင့်နှင့်လူငယ်ကိုယ်စားလှယ်များ၊ Naypyitaw State Academyမှ ပါမောက္ခချုပ် ဒေါက်တာနုနုလွင်နှင့်ဒုတိယပါမောက္ခချုပ်များ၊ တာဝန်ရှိ ဆရာ/မများနှင့် ကျောင်းသူ /သား (200)ဦးခန့် တက်ရောက်ခဲ့ကြပါသည်။

ပထမဦးစွာ နေပြည်တော်ကောင်စီဥက္ကဋ္ဌမှ အဖွင့်အမှာစကားပြောကြားခဲ့ပြီးနောက် အားကစားနှင့်လူငယ်ရေးရာဝန်ကြီးဌာန ဒုတိယဝန်ကြီးဦးဇင်မင်းထက်က လူငယ်များနှင့် Vape အန္တရာယ်အကြောင်း သိကောင်းစရာများနှင့် ရှောင်ကျဥ်ရမည့်အချက်အလက်များကို ပြောကြားခဲ့ပါသည်။

ဒုတိယပိုင်းအစီအစဥ်အဖြစ် “လူငယ်များနှင့် Vapeအန္တရာယ်” ခေါင်းစဥ်ဖြင့် လူငယ် စကားဝိုင်းအား ဆက်လက်ကျင်းပခဲ့ရာ အားကစားနှင့်လူငယ်ရေးရာဝန်ကြီးဌာန လူငယ် ရေးရာဦးစီးဌာနမှ လက်ထောက်ညွှန်ကြားရေးမှူး ဦးကျော်ကျော်ဦးက Moderator အဖြစ် ဆောင်ရွက်ခဲ့ပြီး Naypyitaw State Academy မှ ကျောင်းသား/သူများက ပါဝင်ဆွေးနွေးခဲ့ကြ ပါသည်။

ထို့နောက် တက်ရောက်လာကြသော လူငယ်များက သိရှိလိုသည်များကို မေးမြန်းခဲ့ကြပြီး တာဝန်ရှိသူများက ပြန်လည်ဖြေကြားပေးခဲ့ကြကာ အမှတ်တရလက်ဆောင်များ ပေးအပ် ချီးမြှင့်ခြင်း အစီအစဥ်အတွက် မြန်မာလူငယ်ဖွံ့ဖြိုးတိုးတက်ရေးအသင်း(MYDA)မှ ဦးရဲရင့်က ပါဝင်၍ဆုချီးမြှင့်ပေးခဲ့ပြီး အခမ်းအနားကို ညနေ(၄:၀၀)နာရီတွင် ရုတ်သိမ်းခဲ့ကြပါသည်။

Photo Credit to Ministry of Sports and Youth Affairs Myanmar