ဧရာဝတီ ၊ ဇွန် ၁၇

မြန်မာလူငယ်ဖွံ့ဖြိုးတိုးတက်ရေးအသင်း(MYDA)၏ ဧရာဝတီတိုင်းဒေသကြီးတာဝန်ခံ ဦးအောင်ဆန်း၀င်း ၊ တိုင်းဒေသကြီး အလုပ်အမှုဆောင် ဦးဖြိုးမင်းသက်နှင့် အသင်း၀င်များသည် ယနေ့မနက်(၉း၀၀)နာရီ အချိန်က ကြံခင်းမြို့ ၊အမှတ်(၂)အခြေခံပညာအထက်တန်းကျောင်းတွင် လူ၀င်မှုကြီးကြပ်ရေးနှင့်ပြည်သူ့ အင်အား ဦးစီးဌာနမှ ရက်(၁၀၀)စီမံချက်အား အကောင်အထည်ဖေါ်ဆောင်ရွက်မှု အနေဖြင့် လမင်းစီမံချက်ဖြင့်ကျောင်းသား/သူများအား နိုင်ငံသားစီစစ်ရေးကဒ်များ One Stop Servic ဆောင်ရွက် ပေးနေမှုများအားကြည့်ရှူအားပေးခဲ့ပါသည်။
ထို့နောက် ကျောင်းအုပ်ဆရာမကြီး ဒေါ်ခင်မိုးထွန်းထံသို့ မြန်မာလူငယ်ဖွံ့ဖြိုးတိုးတက်ရေးအသင်း(ဗဟို)မှ လှူဒါန်းသော ဗလာစာအုပ်(၁၂)ဒါဇင်ကို ပေးအပ်လှူဒါန်းခဲ့ပါသည်။ ဆက်လက်၍ ဧရာဝတီတိုင်း ဒေသကြီး(MYDA)တာဝန်ခံ ဦးအောင်ဆန်းဝင်း၊တိုင်းဒေသကြီးအလုပ်အမှုဆောင် ဦးဖြိုးမင်းသက်နှင့် အသင်း၀င်များသည် ကြံခင်းမြို့နယ်၊ချင်းမြောင်ကျေးရွာအုပ်စုရှိ အခြေခံပညာမူလတန်းကျောင်း (ဘုရားနီတောင်)သို့ သွားရောက်၍ ကျောင်းအုပ်ဆရာမကြီး ဒေါ်စုစုလွင်နှင့် တွေ့ဆုံကာ အမှန်တကယ် လိုအပ်လျှက်ရှိသော ကျောင်းသား/သူများထံသို့ ဗလာစာအုပ်(၁၀)ဒါဇင်အား တစ်ဦးချင်းပေးအပ် လှူဒါန်းခဲ့ပါသည်။
မြန်မာလူငယ်ဖွံ့ဖြိုးတိုးတက်ရေးအသင်း(MYDA)အနေဖြင့် လူငယ်များ၏ ကာယ၊ ဥာဏ၊ စာရိတ္တ၊ မိတ္တ၊ ဘောဂဟူသောဗလငါးတန်ဖွံ့ဖြိုးတိုးတက်စေရန်အတွက် စဥ်ဆက်မပြတ် ပြုစုပျိုးထောင် မြေတောင် မြှောက်ပေးလျှက်ရှိသကဲ့သို့ နိုင်ငံအတွင်းတွင် သဘာဝဘေးအန္တရာယ်များကျရောက်လာပါကလည်း သက်ဆိုင်ရာ ဝန်ကြီးဌာနများ၊မိတ်ဖက်အဖွဲ့အစည်းများနှင့်ပူးပေါင်း၍ ကူညီပါဝင်ဆောင်ရွက်ပေးလျှက် ရှိပါသည်။

မြန်မာလူငယ်ဖွံ့ဖြိုးတိုးတက်ရေးအသင်း