“လူငယ်ငြိမ်းချမ်းရေးစေတနာ့ဝန်ထမ်း” သင်တန်း

မန္တလေး
ဇန်နဝါရီ ၁၉

လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီး ဌာနမှ ကြီးမှူး၍ဖွင့်လှစ်သော “လူငယ်ငြိမ်းချမ်းရေးစေတနာ့ဝန်ထမ်း” သင်တန်းကို ၂၀၂၆ ခုနှစ်၊ ဇန်နဝါရီလ ၁၉ ရက်နှင့် ၂၀ရက်နေ့များတွင် မန္တလေးတိုင်းဒေသကြီး မန္တလာတက္ကသိုလ် ၌ နှစ်ရက်တိုင်တိုင် ဖွင့်လှစ်ခဲ့ပါသည်။

အဆိုပါအခမ်းအနားသို့ မြန်မာနိုင်ငံမဟာဗျူဟာနှင့်နိုင်ငံတကာလေ့လာရေးအဖွဲ့(MISIS)မှ အမှုဆောင်အဖွဲ့ဝင် ဒေါ်လဲ့လဲ့သိန်း၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေး ဖော်ဆောင်မှုဦးစီးဌာနမှ ညွှန်ကြားရေးမှူးချုပ် ဦးအောင်ကျော်မိုး၊ လူမှုဝန်ထမ်းကယ်ဆယ် ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနမှညွှန်ကြားရေးမှူးချုပ် ဒေါက်တာစန်းစန်းအေး၊ မန္တလာတက္ကသိုလ်ပါမောက္ခချုပ်နှင့်ဆရာ/မများ၊ တိုင်းအဆင့်ဌာန ဆိုင်ရာညွှန်ကြားရေးမှူးများ၊ မြန်မာလူငယ်ဖွံ့ဖြိုးတိုးတက်ရေးအသင်း (MYDA)ဥက္ကဋ္ဌ ဦးဇော်မျိုးအောင်၊ ဘဏ္ဍာရေးမှူး ဒေါ်ကြည်စင်ရွှေ၊ အမှုဆောင်အဖွဲ့ဝင် ဦးဟန်ထွန်းဦးနှင့် သင်တန်းသား/သူ (၅၀) ဦး တက်ရောက်ခဲ့ပါသည်။
ပထမနေ့ ဖွင့်ပွဲအခမ်းအနားတွင် မြန်မာနိုင်ငံမဟာဗျူဟာနှင့်နိုင်ငံတကာလေ့လာရေးအဖွဲ့ (MISIS)မှ အမှုဆောင်အဖွဲ့ဝင် ဒေါ်လဲ့လဲ့သိန်းက နှုတ်ခွန်းဆက်စကားပြောကြားခဲ့ပြီး အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဦးစီးဌာနမှ ညွှန်ကြားရေးမှူး ချုပ်ဦးအောင်ကျော်မိုးနှင့် မန္တလာတက္ကသိုလ် ပါမောက္ခချုပ်ဆရာမကြီးက အမှာစကား ပြောကြားခဲ့ပါသည်။

ထို့နောက် မြန်မာလူငယ်ဖွံ့ဖြိုးတိုးတက်ရေးအသင်း (MYDA)ဥက္ကဋ္ဌ ဦးဇော်မျိုးအောင်မှ သင်တန်းသား/သူများအတွက် T-Shirtများအား ထောက်ပံ့ပေးအပ်ရာ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနမှ ညွှန်ကြားရေးမှူးချုပ် ဒေါက်တာစန်းစန်းအေးက လက်ခံရယူခဲ့ပါသည်။

ဆက်လက်၍ ဆရာ/မများက သက်ဆိုင်ရာဘာသာရပ်များကို အစီအစဥ်တကျ ပို့ချသင်ကြား ပေးခဲ့ကြပြီး ညနေ(၄)နာရီတွင် ပထမနေ့သင်တန်းကို ရပ်နားခဲ့ပါသည်။

သင်တန်းဒုတိယနေ့တွင် သက်ဆိုင်ရာဆရာ/မများနှင့်အတူ မြန်မာလူငယ်ဖွံ့ဖြိုးတိုးတက်ရေး အသင်း(MYDA)ဥက္ကဋ္ဌ ဦးဇော်မျိုးအောင်မှ “မြန်မာလူငယ်ဖွံ့ဖြိုးတိုးတက်ရေးဆိုင်ရာ ဆောင်ရွက်ချက်များ MYDA” ခေါင်းစဥ်ဖြင့် ဆွေးနွေးပို့ချခဲ့ပြီး သင်တန်းသားလူငယ်သုံးဦးက “လူငယ်နှင့်ငြိမ်းချမ်းရေး၊ ငြိမ်းချမ်းရေးတည်ဆောက်မှု၊ ပဋိပက္ခညှိနှိုင်းဖြေရှင်းရေး၊ ငြိမ်းချမ်းရေးဖြစ်စဥ်” စသည့်ခေါင်းစဥ်များဖြင့် အုပ်စုလိုက်တင်ပြခြင်း၊ သရုပ်ပြခြင်းများကို ပြုလုပ်ခဲ့ကြပါသည်။

ထို့နောက် သင်တန်းဆင်းပွဲအခမ်းအနားအား ဆက်လက်ကျင်းပရာ သင်တန်းပို့ချသည့် ဆရာ/ ဆရာမများနှင့် သင်တန်းသား/သူများက အမှတ်တရ မှတ်တမ်းတင်ဓာတ်ပုံများရိုက်ကူးခဲ့ပြီး သင်တန်းဆင်းပွဲအခမ်းအနားမှာ ညနေ (၄) နာရီတွင် ပြီးဆုံးခဲ့ပါသည်။