လူငယ်ငြိမ်းချမ်းရေးစေတနာ့ဝန်ထမ်းသင်တန်း

နေပြည်တော်၊ ဇန်နဝါရီ ၃၀

လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန မှ ကြီးမှူး၍ “လူငယ်ငြိမ်းချမ်းရေးစေတနာ့ဝန်ထမ်းသင်တန်း” ကို ၂၀၂၆ ခုနှစ်၊ ဇန်နဝါရီလ ၂၉ ရက်နေ့နှင့် ၃၀ ရက်နေ့များတွင် နေပြည်တော် ပြည်ထောင်စုနယ်မြေရှိ Naypyitaw State Academy၌ မနက် (၉:၀၀) နာရီမှစတင်၍ နှစ်ရက်တိုင်တိုင် ဖွင့်လှစ်ခဲ့ပါသည်။

အဆိုပါသင်တန်းသို့ လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာနမှ ညွှန်ကြားရေးမှူးချုပ် ဒေါက်တာစန်းစန်းအေးနှင့် ညွှန်ကြားရေးမှူးများ၊ အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှုဦးစီးဌာနမှ ညွှန်ကြားရေး မှူးချုပ် ဦးအောင်ကျော်မိုး၊ အားကစားနှင့်လူငယ်ရေးရာဝန်ကြီးဌာန၊ လူငယ်ရေးရာဦးစီးဌာန မှ ဒုတိယညွှန်ကြားရေးမှူးချုပ် ဦးမင်းသော်အေး၊ Naypyitaw State Academyမှ ပါမောက္ခချုပ် ဒေါက်တာနုနုလွင်၊ မြန်မာလူငယ်ဖွံ့ဖြိုးတိုးတက်ရေးအသင်း(MYDA) ဥက္ကဋ္ဌ ဦးဇော်မျိုးအောင်နှင့်အဖွဲ့ဝင်များ၊ မြန်မာနိုင်ငံကြက်ခြေနီအသင်းမှ ဒုတိယအထွေထွေ အတွင်းရေးမှူး ဒေါ်အေးအေးငြိမ်းနှင့်သင်တန်းသား/သူ (၅၀)ဦးတို့ တက်ရောက်ခဲ့ကြပါသည်။

အခမ်းအနားပထမနေ့တွင် Naypyitaw State Academyမှ ပါမောက္ခချုပ် ဒေါက်တာနုနုလွင် က နှုတ်ခွန်းဆက်စကားနှင့် လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီး ဌာန၊ လူမှုဝန်ထမ်းဦးစီးဌာနမှ ညွှန်ကြားရေးမှူးချုပ် ဒေါက်တာစန်းစန်းအေးမှ အဖွင့်အမှာ စကားပြောကြားခဲ့ပြီးနောက် သင်တန်းသား/သူများအတွက် အမှတ်တရလက်ဆောင်အဖြစ် T-Shirtများကို မြန်မာလူငယ်ဖွံ့ဖြိုးတိုးတက်ရေးအသင်းဥက္ကဋ္ဌ ဦးဇော်မျိုးအောင်မှ ပေးအပ်ရာ သင်တန်းသား/သူများကိုယ်စား အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင် မှု ဦးစီးဌာနမှ ညွှန်ကြားရေးမှူးချုပ် ဦးအောင်ကျော်မိုးက လက်ခံရယူခဲ့ပါသည်။

ထို့နောက် သက်တန်းပို့ချသည့်အစီအစဥ်အားဆက်လက်ဆောင်ရွက်ခဲ့ရာ မြန်မာလူငယ်ဖွံ့ဖြိုး တိုးတက်ရေးအသင်းဥက္ကဋ္ဌ ဦးဇော်မျိုးအောင်မှ “မြန်မာလူငယ်ဖွံ့ဖြိုးတိုးတက်ရေးဆိုင်ရာ ဆောင်ရွက်ချက်များ” ခေါင်းစဥ်ဖြင့် သင်ကြားပို့ချခဲ့ပြီး ဝန်ကြီးဌာနအသီးသီးမှ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များနှင့် ညွှန်ကြားရေးမှူးများက သက်ဆိုင်ရာဘာသာရပ်များအား သင်ကြားပို့ချခဲ့ကြပါသည်။

သင်တန်းဒုတိယနေ့တွင် ပထမဦးစွာ Winding Up,Activites အစီအစဥ်အားပြုလုပ်ခဲ့ပြီး လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန မှ ညွှန်ကြားရေးမှူးချုပ် ဒေါက်တာစန်းစန်းအေး၊ မြန်မာနိုင်ငံကြက်ခြေနီအသင်းမှ ဒုတိယအထွေထွေအတွင်းရေးမှူး ဒေါ်အေးအေးငြိမ်း၊ လူမှုဝန်ထမ်းဦးစီးဌာနမှ ညွှန်ကြားရေး မှူး ဒေါ်နော်သဝါးတို့မှ ဘာသာရပ်ဆိုင်ရာသင်ခန်းစာများအားသင်ကြားပို့ချခဲ့ပြီး နေ့လည် (၁:၃၀)အချိန်တွင် သင်တန်းဆင်းပွဲအခမ်းအနားကိုအောင်မြင်စွာ ကျင်းပခဲ့ကြပါသည်။