ရန်ကုန်အဝေးသင်တက္ကသိုလ်ပါမောက္ခချုပ် ဒေါက်တာနုနုရီနှင့်သွားရောက်တွေ့ဆုံ

ရန်ကုန် ၊ မတ် ၂၃

မြန်မာလူငယ်ဖွံ့ဖြိုးတိုးတက်ရေးအသင်း(MYDA)ဥက္ကဋ္ဌ ဦးဇော်မျိုးအောင် ၊ ဗဟိုအလုပ်အမှုဆောင် ဦးဟန်ထွန်းဦးနှင့် အလုပ်အမှုဆောင်အဖွဲ့ဝင်များသည် ယနေ့ (၂၃-၃-၂၀၂၆)ရက်နေ့ မနက်(၁၀)နာရီတွင် ရန်ကုန်အဝေးသင်တက္ကသိုလ်ပါမောက္ခချုပ် ဒေါက်တာနုနုရီနှင့်သွားရောက်တွေ့ဆုံခဲ့ပါသည်။
ထိုသို့တွေ့ဆုံရာတွင် မြန်မာလူငယ်ဖွံ့ဖြိုးတိုးတက်ရေးအသင်း (MYDA)နှင့်ရန်ကုန်အဝေးသင်တက္ကသိုလ်တို့ MOUထိုးရန်ကိစ္စများ ၊ Exchange Programများနှင့် နိုင်ငံခြားသို့ထူးချွန်လူငယ်များစေလွှတ်နိုင်ရန်ကိစ္စများ ၊ ရန်ကုန်အဝေးသင်တက္ကသိုလ်တွင်ရှိသော ကျောင်းသူ/သားများ၏ ကာယ၊ဥာဏ၊စာရိတ္တ၊မိတ္တ၊ဘောဂဟူသော ဗလငါးတန်ဖွံ့ဖြိုးတိုးတက်စေရန်အတွက်ပူးပေါင်းဆောင်ရွက်နိုင်မှုအခြေအနေများ ၊ Youth Forumများ ၊ Conferenceများအား ပူးပေါင်းပါဝင်ဆောင်ရွက်နိုင်မည့်ကိစ္စများ ၊ ကျောင်းစာကြည့်တိုက်အတွက်လိုအပ်မည့်စာအုပ်များ ၊ သင်ထောက်ကူပစ္စည်းများကိုပံ့ပိုးကူညီလှူဒါန်းနိုင်မှုအခြေအနေများအားဆွေးနွေးခဲ့ပါသည်။
အဆိုပါဆွေးနွေးပွဲသို့ ဒုတိယပါမောက္ခချုပ်များဖြစ်ကြသော ဒေါက်တာအိအိဟန်(စီမံ/ဘဏ္ဍာ) ၊ ဒေါက်တာသီတာထွေးဝင်း (သင်တန်းရေးရာ) ၊ ဒေါက်တာဌေးဌေး (သုတေသန)နှင့် ဌာနမှူးများဖြစ်ကြသော ဒေါ်နုနုဝင်း (သုတေသနနှင့်ဖွံ့ဖြိုးရေးဌာန) ၊ ဦးသန်းစိန် (သင်တန်းရေးရာဌာန) ၊ ဦးသန်းလှိုင် (စီမံ/ဘဏ္ဍာဌာန)တို့တက်ရောက်ခဲ့ကြပြီး ဆွေးနွေးပွဲမှာ နေ့လည် (၁၁:၀၀)နာရီတွင် ပြီးဆုံးခဲ့ပါသည်။

မြန်မာလူငယ်ဖွံ့ဖြိုးတိုးတက်ရေးအသင်း