(၁၀-၄-၂၀၂၆)ရက်နေ့တွင် ပြည်ထောင်စုသမ္မတမြန်မာနိုင်ငံတော်၏ တတိယအကြိမ် ပြည်ထောင်စုလွှတ်တော်ပထမပုံမှန်အစည်းအဝေး ဆဋ္ဌမမြောက်နေ့၌ကျင်းပပြုလုပ်သည့် နိုင်ငံတော်သမ္မတနှင့် ဒုတိယသမ္မတများ ကတိသစ္စာပြုပွဲအခမ်းအနားနှင့် ဂုဏ်ပြုနေ့လည်စာ စားပွဲအခမ်းအနားသို အခမ်းအနားကျင်းပရေးဦးစီးကော်မတီ၏ ဖိတ်ကြားချက်အရ မြန်မာလူငယ်ဖွံဖြိုးတိုးတက်ရေးအသင်း(MYDA)ဥက္ကဋ္ဌ ဦးဇော်မျိုးအောင် တက်ရောက်ခဲ့ပါသည်။

နေပြည်တော်၊ ဧပြီ ၁၀

(၁၀-၄-၂၀၂၆)ရက်နေ့တွင် ပြည်ထောင်စုသမ္မတမြန်မာနိုင်ငံတော်၏ တတိယအကြိမ် ပြည်ထောင်စုလွှတ်တော်ပထမပုံမှန်အစည်းအဝေး ဆဋ္ဌမမြောက်နေ့၌ကျင်းပပြုလုပ်သည့် နိုင်ငံတော်သမ္မတနှင့် ဒုတိယသမ္မတများ ကတိသစ္စာပြုပွဲအခမ်းအနားနှင့် ဂုဏ်ပြုနေ့လည်စာ စားပွဲအခမ်းအနားသို အခမ်းအနားကျင်းပရေးဦးစီးကော်မတီ၏ ဖိတ်ကြားချက်အရ မြန်မာလူငယ်ဖွံဖြိုးတိုးတက်ရေးအသင်း(MYDA)ဥက္ကဋ္ဌ ဦးဇော်မျိုးအောင် တက်ရောက်ခဲ့ပါသည်။

ပထမဦးစွာ ပြည်ထောင်စုလွှတ်တော်နာယကမှနေရာယူခဲ့ပြီးသည့်နောက်တွင် ပြည်ထောင်စု လွှတ်တော်အစည်းအဝေး အထမြောက်ကြောင်းနှင့် စတင်ကျင်းပကြောင်းကြေငြာခဲ့ပါသည်။

ထို့နောက်အစည်းအဝေးမတက်ရောက်နိုင်သော ပြည်ထောင်စုလွှတ်တော်ကိုယ်စားလှယ်များ အတွက်ခွင့်ပန်ကြားခြင်းနှင့် အစည်းအဝေးတက်ရောက်မှုအခြေအနေကို အတည်ပြုမှတ်တမ်း တင်ခဲ့ပြီး နိုင်ငံတော်သမ္မတနှင့်ဒုတိယသမ္မတများအဖြစ် ရွေးချယ်တင်မြောက်ခံရသူများက ပြည်ထောင်စုလွှတ်တော်နာယက၏ရှေ့မှောက်၌ကတိသစ္စာပြုခဲ့ကြပါသည်။

ဆက်လက်၍ အခမ်းအနားကိုကျင်းပရာ ပြည်ထောင်စုအဆင့်အဖွဲအစည်းဝင်များအဖြစ် ခန့်အပ်တာဝန်ပေးအပ်ပြီးဖြစ်သော ပုဂ္ဂိုလ်များက ပြည်ထောင်စုလွှတ်တော်နာယက၏ရှေ့မှောက်၌ ကတိသစ္စာပြုခဲ့ကြပြီး နိုင်ငံတော်သမ္မတက ပြည်ထောင်စုလွှတ်တော်အစည်းအဝေးသိုတက်ရောက်၍ မိန့်ခွန်းပြောကြားခဲ့ပါသည်။

နိုင်ငံတော်သမ္မတက မိန့်ခွန်းပြောကြားပြီးသည့်နောက်တွင် သမ္မတ၏မိန့်ခွန်းကို လွှတ်တော်က မှတ်တမ်းတင်ခဲ့ပြီး ပြည်ထောင်စုလွှတ်တော်နာယက က တတိယအကြိမ်ပြည်ထောင်စုလွှတ်တော် ပထမပုံမှန်အစည်းအဝေး ဆောင်ရွက်ချက်များအပါအဝင် လွှတ်တော်လုပ်ငန်းဆိုင်ရာများနှင့် စပ်လျဥ်း၍ ရှင်းလင်းတင်ပြခဲ့ကာ အစည်းအဝေးဆဋ္ဌမနေ့ပြီးဆုံးကြောင်းနှင့် တတိယအကြိမ် ပြည်ထောင်စုလွှတ်တော်ပထမပုံမှန်အစည်းအဝေးပြီးမြောက်ကြောင်း ကြေငြာခဲ့ပါသည်။

ကတိသစ္စာပြုပွဲအခမ်းအနားပြီးဆုံးချိန်တွင် ဂုဏ်ပြုနေ့လည်စာစားပွဲကို လွှတ်တော်ဝန်းအတွင်းရှိ ထမင်းစားခန်းမကြီးဆောင် (Bဆောင်)တွင် ဆက်လက်ကျင်းပခဲ့ပါသည်။

ယနေ့ကျင်းပပြုလုပ်ခဲ့သော အခမ်းအနားသို ပြည်သူ့ရွေးကောက်ခံလွှတ်တော်ကိုယ်စားလှယ်များ ၊ နိုင်ငံတကာကိုယ်စားလှယ် (၅၀)ဦး ၊ နိုင်ငံပေါင်း (၂၃)နိုင်ငံနှင့်အဖွဲအစည်းနှစ်ခုအပြင် ပြည်တွင်းမှ လေ့လာသူများလည်းတက်ရောက်ခဲ့ကြကြောင်း သိရှိရပါသည်။

#မြန်မာလူငယ်ဖွံဖြိုးတိုးတက်ရေးအသင်း