ဧရာဝတီ ၊မေ ၂၉

ဧရာ၀တီတိုင်းဒေသကြီး၊မြန်အောင်ခရိုင်၊ကြံခင်းမြို့နယ် အထွေထွေအုပ်ချုပ်ရေးဦးစီးဌာန နှင့်
ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ ပူးပေါင်း၍ “မူးယစ်ဆေးဝါးအန္တရာယ် တားဆီးကာကွယ်” ခေါင်းစဉ်ဖြင့်ကျင်းပသော ပြည်သူ့စကားဝိုင်းကို ယနေ့(29-5-2026) ရက်နေ့ မနက်(9:00)နာရီအချိန်က ကြံခင်းမြို့နယ် ဧရာဦးခန်းမတွင်ကျင်းပပြုလုပ်ခဲ့ပါသည်။

ပထမဦးစွာ ကြံခင်းမြို့နယ် စီမံခန့်ခွဲရေးနှင့်အုပ်ချုပ်ရေးကော်မတီ (ခေတ္တ) ဥက္ကဋ္ဌ ဦးကျော်မင်းထက်က အဖွင့်အမှာစကားပြောကြားခဲ့ပြီး တိုင်းဒေသကြီးလွှတ်တော် ကိုယ်စားလှယ် ဦးပြည့်ဖြိုးအောင်၊ မြို့နယ်ဥပဒေအရာရှိ ဦးရဲနိုင်၊ မြို့နယ် ပြန်/ဆက်ဦးစီးမှူး ဒေါ်ခင်မိုးမြင့်၊ ကြံခင်းမြို့မရဲစခန်းမှ ဒုရဲအုပ်ဇော်၀င်းမောင်၊ လ/ထမြို့နယ်ပညာရေးမှူး ဦးတိုးတိုးနှင့် ကျန်းမာရေးမှူး ဦးကျော်ဆန်းတို့မှ “မူးယစ်ဆေးဝါးအန္တရာယ်တားဆီး ကာကွယ်ရေး” နှင့်ပတ်သက်၍ ဥပဒေလုပ်ထုံးလုပ်နည်းများ၊ ကျောင်းသားလူငယ်များ မူးယစ်ဆေးဝါးနှင့် ကင်းဝေးစေရန်အတွက် ဆရာ/မိဘ ပူးပေါင်းဆောင်ရွက်ကြရန်၊ မူးယစ်ဆေးဝါးအန္တရာယ်များနှင့် ကျန်းမာရေးအတွက်ဆိုးကျိုးများ စသည်တို့ကို အကျယ်တ၀င့် ဆွေးနွေးခဲ့ကြပါသည်။

အဆိုပါအခမ်းအနားသို့ ဌာနဆိုင်ရာတာဝန်ရှိသူများ ၊လူမှုရေးအသင်းအဖွဲ့ များ ၊ ဆရာ/မများ ၊ ကျောင်းသား/သူ အင်အား (၁၉၈) ဦး တက်ရောက်ပြီး မြန်မာလူငယ်ဖွံ့ဖြိုးတိုးတက်ရေး အသင်း(MYDA)၏ ဗဟိုအလုပ်အမှုဆောင်(ဧရာ၀တီတိုင်းဒေသကြီး-MYDA ဥက္ကဋ္ဌ) ဦးအောင်ဆန်း၀င်း၊ တိုင်းဒေသကြီး-MYDA ဘဏ္ဍာရေးမှူး ဦးဖြိုးမင်းသက်၊ တိုင်းဒေသကြီး-MYDA စာရင်းစစ် ဦးဇာနည်အောင်နှင့်အဖွဲ့ဝင်များ တက်ရောက်ခဲ့ကြပြီး ဘဏ္ဍာရေးမှူးနှင့် စာရင်းစစ်တို့က မူးယစ်ဆေး ဝါးအန္တရာယ်နှင့်ပတ်သက်၍မေးခွန်းများ မေးမြန်းခဲ့ကြပြီး အခမ်းအနားတက်ရောက်လာကြသူများအား မြန်မာလူငယ်ဖွံ့ဖြိုးတိုးတက်ရေးအသင်းမှ အားဖြည့်အချိုရည်များဖြင့် ဧည့်ခံကျွေးမွေးခဲ့ပါသည်။

#မြန်မာလူငယ်ဖွံ့ဖြိုးတိုးတက်ရေးအသင်း