လှူဒါန်းမှုများ
မြန်မာလူငယ်ဖွံ့ဖြိုးတိုးတက်ရေးအသင်း(MYDA)မှ ဧရာဝတီတိုင်းဒေသကြီးအတွင်းရှိ အခြေခံပညာမူလတန်းကျောင်းများသို့ ကျောင်းသုံးစာအုပ်များလှူဒါန်းခြင်း
မြန်မာလူငယ်ဖွံ့ဖြိုးတိုးတက်ရေးအသင်း(MYDA)၏ ဧရာ၀တီတိုင်းဒေသကြီးတာ၀န်ခံ၊ ဗဟိုအလုပ်အမှုဆောင် ဦးအောင်ဆန်း၀င်း၊ တိုင်းဒေသကြီးအမှုဆောင် ဦးဖြိုးမင်းသက်နှင့် အသင်း၀င်များသည် ယနေ့ (၁၉-၆-၂၀၂၆)ရက်နေ့ နံနက်ပိုင်းက အင်္ဂပူမြို့နယ်၊ ညောင်ကျိုး ကျေးရွာအုပ်စု၊ အခြေခံပညာမူလတန်းကျောင်း မြို့မ(ညောင်ကျိုး)သို့ သွားရောက်ကာ ကျောင်းသား/သူများအတွက် ကျောင်သုံးဗလာစာအုပ်(၁၀)ဒါဇင်ကို ကျောင်းအုပ်ဆရာမကြီး ထံသို့ လွှဲပြောင်းလှူဒါန်းခဲ့ပါသည်။
ထို့နောက် အင်္ဂပူမြို့နယ်၊ ဥသျှစ်ကုန်းကျေးရွာအုပ်စု၊ ဥသျှစ်ကုန်း အခြေခံပညာမူလတန်း ကျောင်းသို့ ဆက်လက်သွားရောက်ကာ အမှန်တကယ်လိုအပ်လျက်ရှိသော ကျောင်းသား/သူ များအား ဗလာစာအုပ်(၁၀)ဒါဇင်လှူဒါန်း၍ MYDA အသင်း၏ ရည်ရွယ်ချက်နှင့် ဆောင်ရွက်မှု များကို ရှင်းလင်းပြောကြားခဲ့ပါသည်။
မြန်မာလူငယ်ဖွံ့ဖြိုးတိုးတက်ရေးအသင်း(MYDA)အနေဖြင့် လူငယ်များ၏ ကာယ၊ ဥာဏ၊ စာရိတ္တ၊ မိတ္တ၊ ဘောဂဟူသောဗလငါးတန်ဖွံ့ဖြိုးတိုးတက်စေရန်အတွက် စဥ်ဆက်မပြတ် ပြုစုပျိုးထောင် မြေတောင်မြှောက်ပေးလျှက်ရှိသကဲ့သို့ နိုင်ငံအတွင်းတွင် သဘာဝဘေး အန္တရာယ်များကျရောက်လာပါကလည်း သက်ဆိုင်ရာဝန်ကြီးဌာနများ၊ မိတ်ဖက်အဖွဲ့အစည်း များနှင့်ပူးပေါင်း၍ ကူညီပါဝင်ဆောင်ရွက်ပေးလျှက်ရှိပါသည်။
#မြန်မာလူငယ်ဖွံ့ဖြိုးတိုးတက်ရေးအသင်း
အသင်းအဖွဲ့၏ ရည်ရွယ်ချက်
" မြန်မာနိုင်ငံတွင် နေထိုင်ကြသည့်လူငယ်များ၏ ဗလငါးတန် ဖွံ့ဖြိုးတိုးတက်ရေး အတွက် ကူညီဆောင်ရွက်ရန်၊ အာဆီယံနိုင်ငံများရှိ လူငယ်များ၊ ကမ္ဘာ့နိုင်ငံအသီးသီးမှ လူငယ်များနှင့် ပူးပေါင်းကာ ခေတ်မှီ နည်းပညာများနှင့် အတွေ့အကြုံကောင်းများ ရရှိစေပြီး မိမိနိုင်ငံ၏ အကျိုးစီးပွားနှင့် ဒေသတွင်း အကျိုးစီးပွားများအား ဆောင်ကျဉ်း ပေးနိုင်သည့် မြန်မာ့ဂုဏ်ဆောင်လူငယ်များ ပေါ်ထွက်လာစေရန်နှင့် နိုင်ငံအတွင်း သဘာဝဘေးအန္တရာယ်များ ကျရောက်လာပါက ပရဟိတစိတ်ဓာတ် ပြည့်ဝသော လူငယ်များစုပေါင်း၍ တစ်ဖက်တစ်လမ်းမှ ကူညီဆောင်ရွက်ပေးရန် "
Get In Touch
ContactUs
(ဒ-၃၁၂) စစ်တောင်းလမ်း၊ ရွှေအင်ကြင်းရပ်ကွက်၊ ဒက္ခိဏသီရိမြို့၊ လယ်ဝေးခရိုင်၊ နေပြည်တော်။
09-2035010 | 09-420727644
myda@mmyda.org
kyawzwar63@gmail.com