လူငယ်အလုပ်ရုံဆွေးနွေးပွဲ” ဒုတိယနေ့ အခမ်းအနားကျင်းပ
၂၀၂၅ ခုနှစ် ဖေဖော်ဝါရီလ ၂၇ ရက်နေ့
မြန်မာနိုင်ငံလူငယ်ရေးရာဗဟိုကော်မတီ၏ ဦးဆောင်လမ်းညွှန်မှုဖြင့် မြန်မာနိုင်ငံလူငယ်ရေးရာ လုပ်ငန်းကော်မတီနှင့် မြန်မာလူငယ်ဖွံ့ဖြိုးတိုးတက်ရေးအသင်းတို့ ပူးပေါင်းကျင်းပ ပြုလုပ်သည့် လူငယ်အလုပ်ရုံဆွေးနွေးပွဲ ဒုတိယနေ့အခမ်းအနား အစီအစဉ်တွင် ရှေးဦးစွာ မြန်မာနိုင်ငံလူငယ် ရေးရာ ဗဟိုကော်မတီ အတွင်းရေးမှူး ဒုတိယဝန်ကြီး ဦးဇင်မင်းထက်မှ တက်ရောက်လာသည့် မိတ်ဖက်အဖွဲ့အစည်းများ၊ ဧည့်သည်တော်များ၊ လူငယ်မောင်မယ်များအား အလုပ်ရုံဆွေးနွေးပွဲ ပိတ်ပွဲအမှာစကားပြောကြားပြီး မိတ်ဖက်အဖွဲ့အစည်းများအား ဂုဏ်ပြုမှတ်တမ်းလွှာများ ပေးအပ်ခဲ့ ပါသည်။ ထို့နောက် လူငယ်ကိုယ်စားလှယ်အဖွဲ့များမှ Presentation များဖြင့် တင်ပြဆွေးနွေးခဲ့ကြပြီး နိဂုံးချုပ်အနေဖြင့် (၂၆-၂၇ ဖေဖော်ဝါရီလ ၂၀၂၅ ခုနှစ်) လူငယ်အလုပ်ရုံဆွေးနွေးပွဲ အောင်မြင်စွာ ပြီးမြောက်ကြောင်း ကြေညာကာ အခမ်းအနားအား ပိတ်သိမ်းခဲ့ပါသည်။
ယင်းနောက် လူငယ်မောင်မယ်များမှ အားကစားအမွေအနှစ်ပြတိုက်အား သွားရောက်လေ့လာခဲ့ ကြပါသည်။
အသင်းအဖွဲ့၏ ရည်ရွယ်ချက်
" မြန်မာနိုင်ငံတွင် နေထိုင်ကြသည့် လူငယ်များ၏ ဗလ (၅) တန် ဖွံ့ဖြိုးတိုးတက်ရေးအတွက် ကူညီဆောင်ရွက်ရန်နှင့် တိုင်းရင်းသားမိဘပြည်သူများ၏ လူမှုရေးကဏ္ဍနှင့် သဘာဝဘေးအန္တရယ် များ ကျရောက်လာပါက ပရဟိတစိတ်ဓါတ်ပြည့်ဝသော လူငယ်များစုပေါင်း၍ တစ်ဖက်တစ်လမ်းမှ ကူညီဆောင်ရွက်ပေးရန်။ "
