စခန်းသွင်း လေ့ကျင့်သင်ကြားနေကြသော ကျောင်းသားကျောင်းသူ (၁၁၄) ဦး အား သွားရောက်လှူဒါန်းခြင်း

မန္တလေးတိုင်းဒေသကြီး၊ အောင်မြေသာစံခရိုင်၊ အောင်မြေသာစံမြို့နယ် အမှတ် (၂၁) အခြေခံပညာအထက်တန်းကျောင်းဝင်း အတွင်းတွင် တက္ကသိုလ်ဝင်တန်း စာမေးပွဲ ပြန်လည်ဖြေဆိုကြမည့် မတ္တရာမြို့နယ်၊ ပုသိမ်ကြီးမြို့နယ်၊ အောင်မြေသာစံမြို့နယ်နှင့် တံတားဦးမြို့နယ်တို့မှ ကျောင်းသားကျောင်းသူ (၇၈) ဦးတို့အား ဆရာဆရာမ (၃၆) ဦးတို့က စခန်းသွင်း လေ့ကျင့်သင်ကြားပေးလျက်ရှိပါသည်။ အဆိုပါ စခန်းသွင်း လေ့ကျင့်သင်ကြား ပေးနေကြသော ဆရာဆရာမများနှင့် ကျောင်းသားကျောင်းသူ (၁၁၄) ဦးနှင့် တာဝန်ကျ ဝန်ထမ်းများ စုစုပေါင်း (၁၅၀) ဦး အတွက် နေ့လည်စာ အာဟာရ ဒါနအဖြစ် မြန်မာ လူငယ် ဖွံ့ဖြိုးတိုးတက်ရေးအသင်း (MYDA) မှ ကျပ် (၅) သိန်းကို လှူဒါန်းခဲ့ကြပါသည်။
မြန်မာလူငယ်ဖွံ့ဖြိုးတိုးတက်ရေးအသင်း (MYDA) ဥက္ကဌ ဦးဇော်မျိုးအောင် နှင့် တိုင်းအလုပ် အမှုဆောင်များ အဖွဲ့ဝင်များက အောင်မြေသာစံမြို့နယ်အုပ်ချုပ်ရေးမှူးမှ တဆင့် အလှူငွေ ကျပ် (၅) သိန်းကို သွားရောက်လှူဒါန်းခဲ့ခြင်းဖြစ်ပါသည်။
ထို့နောက် (၂၀-၆-၂၀၂၅) နေ့လည်ပိုင်းတွင် မြန်မာလူငယ်ဖွံ့ဖြိုးတိုးတက်ရေးအသင်း (MYDA) ဥက္ကဌ ဦးဇော်မျိုးအောင် နှင့် တိုင်းအလုပ်အမှုဆောင်များ အဖွဲ့ဝင်များသည် အထက (၂၁) ကျောင်းဝန်းအတွင်းတွင် စခန်းသွင်းလေ့ကျင့်ကာ စာမေးပွဲဖြေဆိုနေကြသည့် ကျောင်းသား ကျောင်သူများအား မုန့်များ ဝေငှကာ အားပေးစကားပြောကြားခဲ့ကြပါသည်။