YOUTH (STORY) 2025 – THE CHANGEMAKERS သို့ တက်ရောက်ခဲ့ခြင်း

မြန်မာလူငယ်ဖွံ့ဖြိုးတိုးတက်ရေးအသင်း၏ ထူးချွန်လူငယ် တစ်ဦးဖြစ်သည့် ပြင်ဦးလွင်မြို့မှ မမိုးသဉ္ဇာခိုင် သည် မလေးရှားနိုင်ငံ၊ ကွာလာလမ်ပူမြို့တွင် ၂၀၂၅ ခုနှစ်၊ ဇွန်လ ၂၀ရက်နေ့မှ၂၃ ရက်နေ့ အထိကျင်းပသည့် “SHARING TOGETHER FOR ONLINE RESILIENCE AMONG YOUTH (STORY) 2025 – THE CHANGEMAKERS” သို့ ပါဝင်တက်ရောက်ခဲ့ပါသည်။
ဖွင့်ပွဲအခမ်းအနားတွင် မလေးရှားနိုင်ငံ၊ နိုင်ငံခြားရေးဝန်ကြီးဌာန လက်အောက်ရှိ Southeast Asia Regional Centre for Counter-Terrorism (SEARCCT) မှ ညွှန်ကြားရေးမှုးချုပ် Datin Paduka Nur Ashikin Mohd Taib မှ အဖွင့်အမှာစကားပြောကြားခဲ့ပါသည်။ အဆိုပါ Workshop သည် ဒေသတွင်းနိုင်ငံများအတွင်းရှိ လူငယ်များ Online အသုံးပြုမှုများအတွက် အသိပညာပေးခြင်းဆိုင်ရာ ဗဟုသုတများအတွက် ရယ်ရွယ်ပြီး ကမ္ဘာတစ်ဝှမ်းရှိ ကျွမ်းကျင် ပညာရှင်များမှ ပထမနေ့တွင် Understanding Online Harms & Why AI Matters နှင့် Youth-Led Innovation in PCVE-Case Studies and Discussion တို့ကို ဆွေးနွေးခဲ့ပြီး ဒုတိယနေ့တွင် Fireside Chat – Managing Risks in Social Media and Gaming Platforms, Crafting a Theory of Change, Building Sustainable Collaborations in PCVE နှင့် Responsible AI Usage & Pitfalls ဆိုသော ခေါင်းစဉ်များ ခွဲခြားဆွေးနွေးခဲ့ပါသည်။
Workshop နောက်ဆုံးနေ့တွင် တက်ရောက်လာသော အာဆီယံနိုင်ငံများနှင့် အရှေ့တီမော နိုင်ငံမှ လူငယ် (၃၀) မှ အဖွဲ့ငယ်များခွဲပြီး ခေါင်းစဉ်အသီးသီးဖြင့် ထပ်မံဆွေးနွေးခဲ့ကြရာ မြန်မာလူငယ်ဖွံ့ဖြိုးတိုးတက်ရေးအသင်း၏ ထူးချွန်လူငယ်တစ်ဦးဖြစ်သည့် ပြင်ဦးလွင်မြို့မှ မမိုးသဉ္ဇာခိုင်သည် My Identity, My Story ဖြင့်ပါဝင်ဆွေးနွေးခဲ့ပါသည်။ ညနေပိုင်းတွင် ပါဝင်ဆွေးနွေးခဲ့သော လူငယ်များကို ဂုဏ်ပြုမှတ်တမ်းများပေးအပ်ခဲ့ပါသည်။